Spurt að leikslokum – Stokkar

Fjögur ný spurningaspil hafa nú litið dagsins ljós, eitt ætlað yngri kynslóðinni, annað áhugamönnum um HM í fótbolta, spurningarnar í því þriðja eru um Popp – dægurmál og afþreyingu en Úr öllum áttum í fjórða stokknum.

Smellið á myndirnar til að stækka þær og fá frekari upplýsingar

Þeir sem þekkja Spurt að leikslokum ættu að kannast við sig en spilin sem koma út núna köllum við Spurt að leikslokum stokka. Nýju spilin eru minni í sniðum en Spurt að leikslokum, en eru auðvitað samt sem áður endalaus uppspretta gleði, kátínu og fróðleiks. Hvert spil um sig hefur að geyma einn spurningastokk, og svo auðvitað nóg af spilaspjöldum líka.

Stokkana er hægt að spila eina og sér, eða nota með Spurt að leikslokum.

Nýju stokkarnir kosta 1.890 kr. og fást í verslunum um land allt. Þar að auki er hægt að panta þau hér.

Spurt að leikslokum

Spurt að leikslokum er handhægt spurningaspil sem kom út sumarið 2009 og sló rækilega í gegn, enda magnað. Þú getur spilað það hvar sem er. Þú þarft ekkert spilaborð og enga teninga. Spurningaspjöldin og sérstök spilaspjöld eru allt sem þarf. Allt að tólf leikmenn geta spilað í senn. Spilið hentar því vel hvort sem margir eða fáir koma saman.

Spilið er í vandaðri öskju, 15x15x8 cm að stærð. Það kemst auðveldlega fyrir í bakpoka eða handtösku og hentar vel í fríið. Það breytir því þó ekki að fátt er skemmtilegra en að spila Spurt að leikslokum í góðra vina hópi í stofunni heima.

Í spilinu eru 1620 spurningar. Spurningunum er skipt í sex flokka:
1. Land, þjóð, tunga
2. Saga, landafræði, ferðalög
3. Bókmenntir, listir, menning
4. Náttúra, vísindi, matur
5. Popp, dægurmál, afþreying
6. Íþróttir, hobbí, sprell

Spurt að leikslokum kostar aðeins 3.990 krónur. Hægt er að panta það hér á síðunni.